Cunqui, o noso polbiño

Ao entrar en Pediatría, mesmo parece que nos estiveramos a misturar coa Ría de Vigo e os seus personaxes infantís favoritos: Cunqui e os seus mariñeiros, que nos falan das distintas emocións que os nosos nenos e nenas poden chegar a sentir...non si? Capitán Cunqui, o polbiño amoroso e mandarico, o peixe Soñico, sempre con sono e sempre cansadiño!, o golfiño Alegro, ao que nunca lle faltan as ganas de brincar, a estrela de mar Meda, que non se fía de ninguén! sempre ten medo, o caranguexo Furio, permanentemente enfurruñado e a ameixa Ostriña, apoucada e cheíña de tristura...

Na Aula Hospitalaria, no Cole do Hospital, quixemos incorporar un amiguiño novo para axudarlles a por un chisquiño de mesura con tanto sentimento...e así nace outro Cunqui,un polbiño cheo de cores e mirada doce, froito da interpretación que do Cunqui orixinal fixeron os nosos alumnos e alumnas: Gústavos?