“Sen cita previa” nace coa intención de visibilizar unha realidade: na Aula Hospitalaria (AH) e na Atención Domiciliaria (AD) ten cabida esa parte do noso alumnado cun maior plus de diversidade, desas diferenzas que tanto nos enriquecen e suman... Falamos de educación personalizada con maiúsculas, xa que a maiores da actividade propiamente educativa e curricular, cómpre engadir tamén unha intervención case terapeútica. Dámosvos a benvida!
Moitas grazas a JUEGATERAPIA!!
Nestes días, os nosos alumnos e alumnas puderon facer un respiriño e dar unha volta polos corredores nas bicis tan chulas que nos fixeron chegar dende JuegaTerapia 👍👍
Aquí tedes a Jorge, Adri e o dúo que forman Blanca e Nerea, compañeiras de habitación e aventuras.
O venres foi o primeiro día que abrimos a nova aula e , como o primeiro alumno que a pisóu foi Dani, xa sabe que "fixo historia" na Aula Hospitalaria: sempre será o noso "primeiro alumno" e tanto él coma nós gardaremos esa fermosa xornada para o recordo...Grazas, Dani!
👀 Mirade todo o que o noso alumno Iago sabe dos cactus: a que é super interesante ese mundo tan descoñecido ?
Pois él ten na súa casa especies de todo tipo e tamén nos debuxa algúns deles: ben bonitiños que son, non si?
Graciñas, Iago!
Comezando novo curso coas pilas ben cargadas, porque en breve teremos (por fin!) a nova aula xa arranxada!
Polo camiño, imos ir quentando motores e facendo entre tod@s unha "árbore de desexos" para este novo curso : animadesvos a participar?
