“Sen cita previa” nace coa intención de visibilizar unha realidade: na Aula Hospitalaria (AH) e na Atención Domiciliaria (AD) ten cabida esa parte do noso alumnado cun maior plus de diversidade, desas diferenzas que tanto nos enriquecen e suman... Falamos de educación personalizada con maiúsculas, xa que a maiores da actividade propiamente educativa e curricular, cómpre engadir tamén unha intervención case terapeútica. Dámosvos a benvida!
Nestes días non paramos de ter visitiñas , pero esta foi...especial! 🚴🚴🚩🚏
Escoitamos uns ruidos 🚨🚨🚨 e ao saír aos corredores...por alí chegaban unha morea de personiñas encantadoras que nos deixaron subir ás motos, tocar todo, deixaron un montón de agasallos...e ata foron polas habitacións para visitar aos nenos e nenas que non podían vir á aula!💟
Mil grazas, IKERINC RACING !
Certo día 😊 nun fermoso cole ❤ cun nome igual de bonitiño (❤"A Paz-Tintureira"❤), unha meiguiña que sempre se disfraza de profe 🔮 (Profe Elena, coido que lle chaman) acordou falar nas clases de Infantil e Primaria (1º,2º e 3º) 👥de como era o día a día das nenas e nenos que estaban nun hospital ...💉💊
Porque pese a que de entrada a ninguén lle gusta estar ali, moito menos polo Nadal, non si? 🎅🎈
Pois así o foron falando e requetefalando neses días tan especiais coma eles, de luces e sombras, de preguntas e respostas...de valentes con corazón! 💖💪😊
Acordaron facer algo,pero...o qué? Puxéronse a maquinar...👌🙇🎄
E chegóu a resposta: pois nada máis nin nada menos que unha máxica chuvia ⛆ de agarimos✨, apertas ✨, ánimos ✨, bicos ✨e ilusión ✨ ben camuflados como cartas de Nadal e agasallos para a árbore de Nadal 💌📪⛄!!
As nenas e nenos dese Hospital 😷 ("O Cunqueiro", penso que lle chaman) atoparon así neses días un motivo moooi especial que lles fixo poder ver a vida de moooitas cores diferentes...💚💛💜💗💙💫
Grazas e mil grazas, 💟 meiguiños e meiguiñas 📢 dixeron cun berro ben forte que chegóu como un foguete dende Valadares ata Coruxo!💑📡🚀🌟
Non o escoitades? 🎵🎶
O Equipo de Atención Hospitalaria e Domiciliaria
do Álvaro Cunqueiro
vos desexa Felices Festas , moooita Saúde e caldeiros cheíños de Felicidade!
Onte andivemos coas emocións moi revoltas e có ánimo subidísimo : foi unha sorpresa enoooorme cando pola porta da aula entraron...nada máis e nada menos que o Equipazo do noso Celta !!
Fixémonos fotos con eles, nos repartiron moitos agasallos e escoitaron os nosos piropos, pero coidamos tamén que acabaron ben fartiños de tanta foto...iso si! Ata con profes lles tocóu facer!
É o que ten espertar tanto cariño e admiración...
Grazas a todos, por non nos fallar nunca e acordarvos sempre, nestas datas, de nós!
E que non falten! Ao que xa está en funcionamento (Aula Hospitalaria , Obradoiros de Asanog e Cruz Vermella, Bicos de Papel e Galiclow...) e a maiores de algún "extra" que xa desfrutamos (Mago Cali, Bombeiros, etc) nestes días engadimos algunha cousiña máis...
Na planta do hospital notamos un certo "aire festivo"...un algo" indefinible,",: nervos? emoción? entusiasmo? Todo xunto e máis!
E que, nestes días, temos unhas visitas moi especiais: 🏆★★
Hoxe, comezando a lista e coma sempre, insuperables,,, os Bombeiros!
Moitas grazas por darlles aos nosos peques todo o que tanto merecen....❤🎄🎅
No Cunqueiro temos unha aula moi chula, pero temos tamén moitas "mini aulas", que son as habitacións de algúns dos nosos alumnos e alumnas. E canto traballamos e xogamos nelas!
Na nosa aula temos nestes días moito movemento, sobre todo na parte dos obradoiros de plástica: debuxar, crear, recortar, escribir, pegar, colorear : as nosas alumnas e alumnos están que ferven de actividade para decorar a aula, os corredores e as árbores, para facer felicitacións e agasallos e para desfrutar, en suma, dos momentiños de lecer despois da parte máis académica...que tamén saborean ben a gusto !!
🎅🎄
