Que facemos?

Somos un equipo de profesionáis que traballan conciliando esforzos dende distintos ámbitos (A Atención Educativa Domiciliaria e a Atención Hospitalaria) coa finalidade de proporcionarlles a mellor atención educativa posible aos alumnos e alumnas que por diferentes circunstancias non poden acudir ao seu centro educativo. Esta atención educativa, baseada no principio de inclusión, comprende actuacións dirixidas a acadar os obxectivos e competencias básicas sinaladas polos seus centros de referencia para facilitarlles a reincorporación, evitando o desfase escolar que se poidera derivar da situación que están a vivir. Unha pedagoxía hospitalaria que pretende non limitarse somentes as aprendizaxes propiamente académicas ou curriculares, xa que tamén se procura engadir o acompañamento terapéutico nun espazo activo, participativo, interdisciplinar e integrador.

Onde estamos?

Imos dar un paseo pola nosa planta: anímaste?

 Entramos nela e imos polo corredor...

...ata chegar a aula!

Logo, se vos parece, imos ata Pediatría....

 ...onde están agardando os nosos nenos e nenas:

E... para rematar, paramos un chisquiño na sala de xogos e no patio de recreo

Que vos parece? Gústavos? 💗

Na procura de Cunqui

Comezamos andadura:

Na procura dun logotipo, que nos puidera identificar, buscamos inspiración na mascota do servizo de Pediatría: Cunqui, o Polbiño. O noso alumnado de AH e AD será o verdadeiro protagonista , xa que terán que debuxar un polbiño que poida representar este blogue.

Agora mesmo, xa están mans á obra e só podemos dicirvos que vai ser moi difícil tomar unha decisión á hora de escoller un só Cunqui, xa que as versións están cheas de creatividade e orixinalidade.

Máis adiante coñeceremos os debuxos do alumnado que participou e daremos tamén o nome da persoa gañadora, estade atentos!

Protocolos

Unha das misións que temos coa posta marcha deste blog é facilitar ás familias o acceso a atención educativa do alumnado. Por iso, elaboramos un listado dos protocolos máis importantes publicados na comunidade autónoma de Galicia.

• A atención educativa hospitalaria e domiciliaria en Galicia

• Protocolo de atención domiciliaria

• Protocolo de Consenso sobre TDAH na Infancia e na Adolescencia nos ámbitos educativo e sanitario

• Protocolo de Coordinación, Intervención e Derivación Interinstitucional en Atención Temperá

• Protocolo de Tratamento Educativo do alumnado con Trastorno do Espectro do Autismo (TEA)

• Protocolo educativo para a prevención e o control do absentismo escolar en Galicia

• Protocolo para o alumnado con altas capacidades intelectuais

• Protocolo para a atención educativa ao alumnado con discapacidade auditiva

• Protocolo para atención educativa do alumnado con síndrome de Down

• Protocolo para a invervención psicoeducativa da dislexia e/ou outras dificultades específicas de aprendizaxe

• Protocolo xeral para a prevención, detección e tratamento do acoso e ciberacoso escolar, actualizado, así como o procedemoento corrector de condutas contrarias ás normas de convivencia

• Protocolo de prevención, detección e intervención do risco suicida no ámbito educativo

•  Protocolo de protección de datos

• Protocolo de identidade de xénero

• Atención ao alumnado con diabete

Semana Cardiopatías.

Esta mañá, recibimos a visita da Asociación Late Corazón que fixo un concurso co noso alumnado de Atención Domiciliaria e da aula hospitalaria co fin de ser a imaxe do cartel da IV Xornada de Cardiopatías Congénitas y Familiares, deixámosvos as fotos dos debuxos gañadores. 

Estamos moi felices de poder contar con este tipo de iniciativas e sumándose a esta colaboración, tamén queremos agradecer á Editorial Galaxia pola donación que fixo a aula hospitalaria agasallándonos cun lote de 50 libros. Moitas grazas!💗